ಪೇಪರ್ ಬ್ಯಾಗ್ ಮರುಬಳಕೆ

 ಪ್ಲಾಸ್ಟಿಕ್ ಬಳಕೆ ಕಡಿಮೆ ಮಾಡಬೇಕು ಎನ್ನುವುದು ನಿಜ. ಪರ್ಯಾಯವಾಗಿ ಈಗ ಸಾಕಷ್ಟು ಕಡೆ ಪೇಪರ್ ಬ್ಯಾಗ್ ಗಳನ್ನು ನೀಡಲಾಗುತ್ತಿದೆ. ನಾವು ಪೇಪರ್ ಬ್ಯಾಗ್ನಲ್ಲಿ ಸಾಮಾನುಗಳನ್ನು ತರಕಾರಿಗಳನ್ನು ತರುತ್ತೇವೆ ಹಾಗಾಗಿ ನಮ್ಮ ಕೊಡುಗೆ ಧಾರಾಳವಾಗಿ ಸಾಕು ಎನಿಸಿದ್ದರೆ, ನಮ್ಮ ನಿಮ್ಮೆಲ್ಲರಿಗೂ ಒಂದು ಜ್ಞಾಪಿಸುವ ವಿಷಯವೆಂದರೆ, ಪ್ಲಾಸ್ಟಿಕ್ ಬಳಕೆ ಉಳಿಸುವ ಪೇಪರ್ ಮಾಡಲು ಅಷ್ಟೇ ಕಾಡು ನಾಶ, ಮರಗಳ ಕಡಿತ ಆಗುತ್ತಿದೆ!! ಬೇಜಾರಿನ ಸಂಗತಿ ಆದರೂ ವಾಸ್ತವ. ನಮಗೆ ಪಶ್ಚಾತ್ತಾಪ ಬರಬೇಕು ಕೂಡ. ಹಾಗಾದರೆ ಏನು ಮಾಡೋದು? 

ಎಲ್ಲೆಲ್ಲಿ ಅವಶ್ಯಕತೆ ಇಲ್ಲವೋ ಅಲ್ಲಲ್ಲಿ ಪೇಪರ್ ಬ್ಯಾಗ್ ಕೂಡ ತೆಗೆದುಕೊಳ್ಳದೇ ಇರೋಣ. ಉದಾಹರಣೆಗೆ, ತರಕಾರಿ ಹಣ್ಣುಗಳು, ನೇರವಾಗಿ ನಮ್ಮ ಚೀಲಕ್ಕೆ ಹೋಗಲಿ. 

ಸೂಪರ್ ಮಾರ್ಕೆಟ್ಗಳಲ್ಲಿ ಒಂದೊಂದು ತರಕಾರಿಗೆ ಒಂದೊಂದು ಪೇಪರ್ ಬ್ಯಾಗ್ ನೀಡಿ, ತೂಕ ಹಾಕಿ ಬೆಲೆಯ ಸ್ಟಿಕ್ಕರ್ ಹಚ್ಚಿ ಬಿಲ್ಲಿಂಗ್ ಗೆ ಕಳಿಸುತ್ತಾರೆ. ನಾವು ಪ್ರಯತ್ನಿಸಿದರೆ, ೩-೪ ತರಕಾರಿಗಳ ಒಂದೇ ಪೇಪರ್ ಬ್ಯಾಗಿನಲ್ಲಿ ಹಾಕಿಕೊಂಡು, ಅವುಗಳ ಬಿಲ್ಲಿಂಗ್ ಅನ್ನು ಒಟ್ಟಿಗೆ ಒಂದೇ ಬ್ಯಾಗಿಗೆ ಎಲ್ಲ ಸ್ಟಿಕ್ಕರ್ ಹಚ್ಚಿಕೊಡಿ ಎಂದು ಕೇಳಿ ಪಡೆಯಬಹುದು. 

ದಿನಂಪ್ರತಿ ನಾವು ಮಾರುಕಟ್ಟೆಯಿಂದ ತರುವ, ಆನ್ಲೈನ್ ಶಾಪಿಂಗ್ ಗಳಿಂದ, ಜೊಮ್ಯಾಟೋ ಸ್ವಿಗ್ಗಿಗಳಿಂದ ಬರುವ ಪೇಪರ್ ಬ್ಯಾಗ್ ಲೆಕ್ಕವಿಲ್ಲದಷ್ಟು... ಪೇಪರ್ ಬ್ಯಾಗ್ ಅನ್ನು ಹೇಗೆ ತೆಗೆಯುತ್ತೀರಾ? ಸಾಕಷ್ಟು ಮನೆಗಳಲ್ಲಿ, ಪರ್ ಎಂದು ಹರಿದು ಬಿಸಾಡುವ ಪ್ರತೀತಿ ಇದೆ. ಅದು ನಂತರಕ್ಕೆ ಕಸದ ಬುಟ್ಟಿಗೆ ಹೋಗುತ್ತದೆ. ಅದರ ಬದಲು ಅವೇ ಪೇಪರ್ ಬ್ಯಾಗ್ ಗಳನ್ನು ನೀಟಾಗಿ ತೆಗೆದು, ಅದರಲ್ಲಿಯ ಪ್ಲಾಸ್ಟಿಕ್  ಗಮ್ಟೇಪುಗಳನ್ನು ಬೇರ್ಪಡಿಸಿ, ಒಟ್ಟು ಮಾಡಿಟ್ಟರೆ, ಆ ಬ್ಯಾಗ್ ಗಳೆಲ್ಲವೂ ನಮಗೆ ಮರುಬಳಕೆಗೆ ಬರುತ್ತದೆ. 

ಮನೆಗೆ ಪೇಪರ್ ಬ್ಯಾಗ್ ಗಳು ಬರುವುದು ಅನಿವಾರ್ಯ. ಆದರೆ ನನಗೆ ಅದರ ಅಗತ್ಯ ಅಷ್ಟಾಗಿ ಇಲ್ಲ ಎಂದಿರಾ ? ಪರ್ವಾಗಿಲ್ಲ! ಹಾಗಾದರೆ,ಕೊನೇಪಕ್ಷ  ಪೇಪರ್ ಬ್ಯಾಗ್ಗಳನ್ನು ಒಟ್ಟು ಮಾಡಿ ಒಂದು ೧೦-೧೫ ಪೇಪರ್ ಬ್ಯಾಗ್ಗಳು ಒಟ್ಟಾದಾಗ ಹತ್ತಿರದ ತರಕಾರಿ ಅಂಗಡಿ, ಹೂವಿನ ಅಂಗಡಿ, ಸಣ್ಣ ಪುಟ್ಟ ಬೀದಿ ವ್ಯಾಪಾರಿಗಳಿಗೆ ನೀಟಾಗಿರುವ ಬ್ಯಾಗ್ಗಳನ್ನು ಕೊಟ್ಟು, ಅದನ್ನು ಪ್ಲಾಸ್ಟಿಕ್ ಕವರ್ ಬದಲು ಬಳಸಲು ಉಪಯೋಗಿಸಿಕೊಳ್ಳಲು ಹೇಳಿ. ಯಾವ ಸಂಕೋಚವೂ ಬೇಡ ಈ ಕೆಲಸಕ್ಕೆ! ಪೇಪರ್ ಬ್ಯಾಗ್ಗಳು ಬಳಸುವ ಸ್ಥಿತಿಯಲ್ಲಿರುವವರೆಗೆ ಮರುಬಳಕೆ ಆಗುತ್ತಿರಲಿ. 

ಪ್ಲಾಸ್ಟಿಕ್ ಮತ್ತು ಪೇಪರ್ ಬ್ಯಾಗ್ಗಳ ಕಡಿತದಿಂದ ಮರಗಳ ಹಸಿರು, ಭೂಮಿಯ ಉಸಿರು ಉಳಿಯಲಿ!

Paper bags are a great option for shopping and food packaging. They are environmentally friendly, convenient, and affordable. With the growing concern over plastic pollution, more and more retailers and consumers are turning to paper bags as a more sustainable option.

While paper bags are eco-friendly, it's still important to reduce waste by reusing them whenever possible. You can also recycle paper bags to help minimize your environmental impact.

Receive all the veggies and fruits from the vendor directly into your cloth bag instead of taking it in a paper bag.

Do not tear the courier paper bags, instead store those paper bags in good condition and resuse it for your daily needs.

Collect paper bags and give it to local vendors for them to use it instead of plastic bags.